اشعار دو بیتی و رباعیات ترکی عاشقانه بسیار زیبا و معروف

در این بخش سایت تاپ ناز مجموعه ای از زیباترین اشعار دو بیتی و رباعیات ترکی عاشقانه را گردآوری کرده ایم.

اشعار زیبای دو بیتی و رباعیات ترکی

بزم آرا قیل بیر ایشاره خلقدن پئنهان منه

تا دوروب پروانه تک بیردن دولانیم باشیوا

حئیران خانم

-+-+-

جــان و دل قیــدینــی چکمکـدن ئوزوم قورتاردیم

جــانی جـــانـــانییـــه ائتـــدیم دلــی دلـــداره فدا

نسیمی

-+-+-

من که درویش اولموشام، شاها، جهاندان فارغم

بنده ی سلطان عشقم، این و آندان فارغم

نسیمی

-+-+-

هـــاردا دیــوانه ساچیـــن تـــاجـــه بــرابـر بیلسـه

اوردا شاهنـان گدانیـن فرقینی اینسان بیلـمــه ز

صائب تبریزی

-+-+-

بی غیرت آدام قصرده اگلش‌سه ده آنجاق

زندان‌دا شهامت‌له یاتان دوستاغا دگمز

هر بیر یاراماز قولدورا تعظیمه‌انن باش

ظالم باشینا اندیریله‌ن توخماغا دگمز

علی عسگر صادقی

-+-+-

دؤزموشم او قدر هیجرانه ، دؤزومدن کوسموشم
اوزموشم امید وصلیندن ، اوزومدن کوسموشم
اویموشام ایللر بو ظاهربین گؤزون فیتواسینه
ایری لر دوز گؤزموشم از بس ، گؤزومدن کوسموشم

عاصم اردبیلی

-+-+-

رباعیات ترکی زیبا

نه گوزلدی کی قمارباز اوتوزا نه وارسا الده

نه قالا ائوینده بیرزاد نه قالا اومیدی چولده

نه گوزلدی کی قمارباز اوتوزا آخیردا باشین

نئجه منصورون قالیبدی هله «شادی» آدی دیلده

حسین نجفی- شادی

-+-+-

مریده بنده‌ی پیر مغانم، عشق فیضیندن

نه ایسترسه‌م، اولور میخانه‌لرده مستجاب ایندی

علی آقاواحد

-+-+-

بارالها سن اوزون دوشمنی می شاد ائیله

عومرون آرتیق ائله ییب منزلین آباد ائیله

یولوما سپسه تیکان هر کس اولا غم وئرمه

یولونو گولشن، اوزون سروتک آزاد ائیله

حسین نجفی- شادی

-+-+-

اگرچه ایینه تک کئچدیم جهانین جمله وارین دن

هنوز آردیمجادیر قید تعلق، زلف تارین دن

شهید عشق اولوب فیض بقا کسب ائیله مک خوشدور

نه حاصیل بیوفا دهرین، حیات مستعارین دن

محمد فضولی

-+-+-

رنگی سولموش خزلم یللره تاپشرما منی

گوز یاشیمدان توکولن سللره تاپشرما منی

آند اولا الله ها بیرگون دوزه بیلمم سن سیز

آی لارا،هفته لره،ایل لره تاپشرما منی

پیران قیداری

-+-+-

قوی اوپوم گوزلرووی بلکه اورک دینجل‌سین

سن ده بیر کلمه دانیش منده دیلک دینجل‌سین

شریفه جعفری

-+-+-

اوزوم‌ده یاسلی گوزوم‌ده سوزوم‌ده شعریم‌ده

آچیق دئیم ساوالان داغلی‌یام نه ائتمه‌لی‌ام

عاصم اردبیلی

-+-+-

تا کی گوزلر ساتاشدی گوزلرینین قاره سینه

دوزدی غمزه اوخونون یاره‌سی، کار ائتدی منه

الهامی علمداری

-+-+-

قویمادی بیر کیمسه نین یانسین چــراغی روزگار

چوخلو طویلاریاس اولوب الده ن حنالر گئتدیلر

سنده ایی دل اولگیلان آماده بیر گون گئتمگه

بی وفا دنیانی بوشلا باوفــــــــالر گئتدیلر

شهودی بستان آبادی

-+-+-

اشعار دو بیتی ترکی عاشقانه

سوزلریم یازدیم داغا سیل تک آخدی گوزی

موج ویردی ساحله دریا کی بیلدی او سوزی

دوشدی طوفان عالمه بیلدی اورکده دردمی

عالم دوشدی بوران گوردی ناله های سردمی

-+-+-

فــراقـی چکمــه یـن عــاشیـق، وصالین قدرینی بیلمز

جمیـــله اولمــایـــان واصیــل، جمــالین قــدرینی بیلمز

نسیمی

-+-+-

ســاقی دولانیـــم باشینـــا مئی جامینی گزدیر

سرمســـت اولـــوم، باشیمــا میخانه دولانسین

علی آقا واحد

-+-+-

چوخ سعی ائله دیم دوشمیه بلکه دیله دردیم
اما نه قیلیم چاره کی دیلدن دیله دوشدی
تک قویما گولوم شهریاری گل یئنه یوخلا
بیردن گوره سن تاپدی اجل فاصله دوشدی

-+-+-

یاز قلم یاز. بو کونول پاسلی دمیرتک چورودی
توزلی طوفانه دوشوب . عشقیمی طوفان بورودی
بیر سینیخ کشتی کیمین هی آخارام ساغ سولوما
ناخدا عشقیم اولوب هر یره سویدی سورودی

علی آقا واحد

-+-+-

بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام

واحد

-+-+-

ای ملک سیما که سندن ئوزگه حیراندر سنه
حق بیلیر انسان دئمه ز هر کیم که انساندر سنه
وئرمییه ن جانین سنه بیلمه ز حیات جاویدان
زنده و جاویداونا دئرلر که قرباندر سنه

فضولی

-+-+-

گؤزومده دلبرا سن موج اشکی قانه دؤندردین

بو دونیانی فراقیندا منه زندانه دؤندردین

اوْل زلف عنبر افشانی عجب زنجیر عشق ائتدین

دالینجا بوْینوما سالدین منی هر یانه دؤندردین

موغانلی سرمد

-+-+-

دولدو پرونده عشقیم غم ایله باغلاندی

چوخ شکایت ائله دیم اولمادی بیر دادرسیم

ایندی من سانکی قوشام کنج قفسده، سیخیلیب

نه قاناد واردی اوچام، وار نه یووام کی تلسیم

یالقیز

-+-+-

بلادان جان قاچیرماز عهدینه ثابت قالان عاشق

آدی اوستونده دیر، طوفان قوشو طوفاندان آیریلماز

دئسم جانیم سنه قربان ، ده گیل بو شأنینه لایق

دئسم کؤنلوم سنه پیشکش، کؤنول کی، جاندان آیریلماز

کریم مشروطه چی (سؤنمز)

-+-+-

بیر غلط سؤزدور کی دئیرلر گنج اوْلور ویرانه ده
گنج یوخ ، ویرانه چوخ ، ویرانه لردن کوسموشم

نباتی

-+-+-

او گون کی قسمت ائدوبلر وجودی جزء به جزء

وئروبله رشته صبر و قراری یار الینه

صراف تبریزی

-+-+-

قطع امید ائدمه رم دولدور سالار اود قلبیمه

عاشقه جور و جفا دیر چونکی رسم روزگار

صامت

-+-+-

مه شبگرد اگر گورسون اونین خورشید رخسارین

کمند ایلر اونی صید ایتمک ایچون هاله زنارین

شکرخند ایلیینده نیلسون عشاق ایلن یارب؟

که آجی سوزلر ایلن جان ویرور لعل شکربارین

صائب

-+-+-

بیلمم نئجه بیر ایشدی کی عشاقی همیشه

بیچاره و آواره و بیکاره دئییرلر

عشق اوْلماسا چایلاردا حزین زومزومه اوْلماز

قارتاللاری قوْنمازلار اوْل داغلاره دئییرلر

موغانلی سرمد

-+-+-

ای کاش اوْلمیایدی کؤنول پای بند عشق

یا درد عشقی چکمگه تابیم اوْلایدی کاش

صراف تبریزی